Jakob Frímann með tæpar 900 þúsund á mánuði

Jakob Frímann Magnússon fær rúmar 860.000 krónur á mánuði fyrir störf sín á vegum borgarinnar. Jakob er formaður hverfisráðs miðborgar og er nýráðinn framkvæmdarstjóri miðborgar. Þetta kom fram í kvöldfréttum Sjónvarps nú fyrir stundu.

Starf framkvæmdarstjóra miðborgar var ekki auglýst þar sem um tímabundna ráðningu er að ræða til eins árs.

Sem varaformaður menningar- og ferðamálaráðs borgarinnar fær Jakob 86.700 krónur á mánuði. Sem formaður hverfisráðs miðborgar fær hann 65.000 krónur og fyrir starf sitt sem framkvæmdarstjóri miðborgar fær Jakob 474.000 krónur á mánuði. Einnig fær hann grædda fasta yfirvinnutíma sem eru 48 klukkustundir sem gerir um 236.000 á mánuði.