Hundrað kíló af hassi í húsbíl í Norrænu - erlendur karlmaður handtekinn

Tollgæslan á Seyðisfirði lagði í gær hald á yfir hundrað kíló af hassi í húsbíl sem kom til landsins með Norrænu.

Heimildir Vísis herma að lögreglumenn úr Reykjavík og frá sýslumannsembættinu á Seyðisfirði hafi unnið að málinu í alla nótt.

Í tilkynningu frá lögreglu segir að um talsvert magn sé að ræða og að tollgæslan á Seyðisfirði hafi notið aðstoðar Tollgæslunnar í Reykjavík, lögreglunnar á Seyðisfirði og lögreglunnar á Akureyri í málinu.

Einn karlmaður hefur verið úrskurðaður í gæsluvarðhald til 9. júlí í Héraðsdómi Austurlands. Samkvæmt heimildum Vísis er um erlendan karlmann að ræða og verður hann sendur suður til afplánunar í dag. Málið verður sent til framhaldsrannsóknar hjá lögreglustjóraembættinu á höfuðborgarsvæðinu.

Þeir voru farþegar sem komu með Norrænu í gær og urðu varir afskipti lögreglu af húsbíl eru beðnir um að hafa samband við Vísi, annaðhvort í síma 8210320 eða í gegnum netfangið ritstjorn@visir.is