Danska lögreglan hefur náð 8 tonnum af khat á árinu

Það sem af er árinu hefur danska lögreglan og tollyfirvöld lagt hald á um 8 tonn af fíkniefninu khat. Efnið kemur frá Afríku og er sérstaklega vinsælt meðal Sómalíubúa í Danmörku.

Khat, jurt sem virkar svipað og kannabis, er flutt í miklum mæli til Hollands þar sem það er löglegt. Síðan er því keyrt til Þýskaland og áfram til Danmerkur og hinna Norðurlandanna.

Danska lögreglan segir að ef reynslan frá áramótum sé lögð til grundvallar megi tala um fjórföldun á khatsmygli til Danmerkur miðað við árið í fyrra.

Talið er að nú sé um tonn af khat flutt til Danmerkur á hverjum degi.