Samfylking tapar fylgi

Samfylkingin nýtur stuðnings tæplega 26 prósenta landsmanna og tapar nokkru fylgi, samkvæmt nýrri könnun Gallups fyrir Ríkisútvarpið sem greint var frá í kvöldfréttum útvarps.

Vinstri grænir bæta við sig fjórum prósentum frá síðustu könnun og mælast nú með 21 prósent. Sjálfstæðisflokkurinn stendur í stað með 37 prósenta fylgi, Framsóknarflokkurinn er með tæp tíu prósent og Frjálslyndi flokkurinn með tæp sex prósent. Fylgi ríkisstjórnarinnar hefur minnkað um 9 prósent frá síðustu könnun Gallups og er nú rúm 58 prósent. Jóhanna Sigurðardóttir er vinsælust ráðherranna með 60 prósent en hefur þó lækkað um 10 prósentustig frá síðustu könnun.