Gæsluvarðhaldsúrskurður staðfestur yfir Þorsteini Kragh og Hollendingnum

Hæstiréttur staðfesti í dag gæsluvarðhaldsúrskurð yfir tónleikahaldaranum Þorsteini Kragh og Hollendingi sem grunaðir eru um umfangsmikið smygl á fíkniefnum til landsins með Norrænu um miðjan júní.

Þann 23. júlí síðastliðinn úrskurðaði Héraðsdómur Reykjavíkur mennina í gæsluvarðhald til 13 ágúst næstkomandi.

Auk 190 kílóa af hassi fundust eitt og hálft kíló af maríjúana og eitt kíló af kókaíni í húsbíl Hollendingsins sem kom til landsins með Norrænu þann 10. júní.