Liveleak fjarlægir mynd Wilders vegna hótana

Netsíðan Liveleak.com sem fyrst varð til að birta hina umdeildu mynd Fitna, eftir hollenska þingmanninn Gert Wilders, hefur nú ákveðið að fjarlægja myndina í kjölfar hótana.

Á síðunni er birt yfirlýsing frá aðstandendum myndarinnar þar sem segir að í kjölfarið á alvarlegum hótunum í garð starfsfólks síðunnar og illa ígrunduðum fréttaflutningi breskra miðla sem stefnt gæti starfsfólkinu í hættu, hafi verið ákveðið að fjarlægja myndina.

Myndin er fimmtán mínútna löng og í henni fer Wilders mjög hörðum orðum um dekkstu hliðar íslams og gagnrýnir kóraninn.

„Þetta er sorgardagur fyrir málfrelsið á Internetinu en við verðum að setja öryggi starfsfólks okkar ofar öllu öðru. Við þökkum þeim þúsundum manna af öllum trúarbrögðum sem veittu okkur stuðning. Þeir áttuðu sig á því að á Liveleak.com er pláss fyrir margar skoðanir og en ekki bara eina. Kannski er von til þess að þessi atburður verði til þess að opna umræðu sem gæti kennt okkur öllum hvernig við getum viðurkennt mennignu hvors annars. Við stóðum fyrir það sem við trúm á, en að lokum var það of dýru verði keypt."

Ekki fylgir sögunni hverrar náttúru þessar hótanir eru eða við hvaða bresku fjölmiðla er átt.

Liveleak má sjá hér.