SÞ segja glæpasamtök á bakvið morð Hariri

Sönnunargögn benda til þess að Rafik Hariri fyrrverandi forsætisráðherra Líbanon hafi verið myrtur af glæpasamtökum. Þetta er niðurstaða rannsóknarteymis Sameinuðu þjóðanna sem segir að glæpasamtök hafi fylgst með forsætisráðherranum í aðdraganda morðsins. Enginn er þó nafngreindur í því samhengi.

Hariri lést ásamt tuttugu og tveimur öðrum í bílasprengingu í Beirút árið 2005. Fyrri rannsóknir höfðu leitt getum að því að sýrlenskar og líbanskar leyniþjónustur hafi átt þátt í morðinu, en því hafa yfirvöld í Sýrlandi alfarið neitað.