Ástfangin uppfyrir haus

Öllum að óvörum virðist samband Parísar Hilton og rokkarans Benji Madden ætla að endast. Hótelerfinginn alræmdi er nú á tónleikaferðalagi með hljómsveit Benjis, Good Charlotte.

Hún bloggaði um ferðina í fyrradag þar sem hún tjáði sig um ást sína á rokkaranum. „Ég hef aldrei verið svona hamingjusöm og ástfangin. Benji er svo frábær strákur og lífið hefur aldrei verið betra.“

París er meira að segja svo hrifin af Benji að hún lýsir því yfir að tónlist hljómsveitarinnar sé góð. „Það er svo gaman að fara á tónleika þeirra á hverju kvöldi. Ég kann núna öll lögin utanað. Ég elska Good Charlotte.“ Einmitt það, París.