Tveir kvenkyns ökukennarar

Tvær konur útskrifuðust með kennsluréttindi á bifhjól nýlega og eru þær fyrstu hérlendis til að ná þessum áfanga. Námið fór að mestu fram í Danmörku þar sem aðstaða til slíkrar kennslu er með því besta sem þekkist.

Námið er á vegum stofnunar Kennaraháskóla Íslands, Símenntun-Rannsóknir-Ráðgjöf, og tekur rúmlega viku. Alls luku 21 ökukennari námi. Það er von aðstandenda námsins sem og hinna nýútskrifuðu kennara að ný viðhorf og nýjar kennsluaðferðir sem þeir kynntust í námi sínu erlendis komi til með að nýtast vel við bifhjólakennslu hérlendis.