Innlent

Torrent-mál tekið fyrir 12. desember

Svavar Lúthersson, eigandi torrent.is, segist ekki munu una lögbanninu.
Svavar Lúthersson, eigandi torrent.is, segist ekki munu una lögbanninu.

Mál nokkurra höfundarréttarsamtaka á hendur eiganda skráardeilingarsíðunnar torrent.is verður tekið fyrir hjá dómstólum þann 12. desember.

Eins og kunnugt er féllst sýslumaðurinn í Hafnarfirði á lögbannskröfu samtakanna í síðustu viku og þurfti eigandi torrent.is að loka síðunni á meðan málið er fyrir dómstólum.

Samtökin saka eiganda torrent.is að auðvelda og stuðla að höfundarréttarbrotum með því að heimila skráaskipti á síðunni á höfundarréttarvörðu efni. Brotin meintu snúa að ólöglegu niðurhali á sjónvarpsþáttum, tölvuleikjum, tónlist og innlendum og erlendum kvikmyndum.

Það eru Samtök myndrétthafa á Íslandi, SÍK (Framleiðendafélagið), Samband tónskálda og eigenda flutningsréttar og Félag hljómplötuframleiðenda sem fóru fram á lögbannið og bar þeim að höfða staðfestingarmál vegna lögbannsins innan viku. Það var gert á föstudag og verður málið tekið fyrir þann 12. desember næstkomandi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.