JetX: Flugstjóri fékk rangar upplýsingar um lendingarskilyrði

Flugstjóri JetX farþegavélarinnar, sem hafnaði að hluta utan brautar á Keflavíkurflugvelli í fyrrinótt, fékk rangar upplýsingar um bremsuskilyrði áður en hann lenti, samkvæmt tilkynningu frá félaginu.

Þar segir að við lok lendingarbruns hafi áhöfninni orðið ljóst að bremsuskilyrði væru algerlega ófullnægjandi og önnur en samkvæmt uplýsingum frá flugturni. Því hafi reynst erfitt að hafa stjórn á hraða vélarinnar eftir lendingu.

Tvær vélar Icelandair hættu við lendingu á Keflavíkurflugvelli í fyrrinótt og héldu til Egilsstaða og aðrar tvær biðu í hringflugi eftir því að lendingarskilyrði yrðu viðunandi.Rannsóknanefnd flugslysa rannsakar málið sem alvarlegt flugatvik.