Farþegum um Grímseyjarflugvöll fjölgar mikið

Farþegar um Grímseyjarflugvöll voru 60 prósentum fleiri í júní í sumar en á sama tíma í fyrra. Eftir því sem segir í tilkynningu frá Flugstoðum fóru 1270 manns um flugvöllinn í júní en í sama mánuði í fyrra voru þeir 720.

Þá fjölgaði farþegum um Akureyrarflugvöll töluvert í júní og júlí en um 21 þúsund manns áttu að jafnaði leið um flugvöllinn í mánuðum tveimur. Venjulega fara um fimmtán til átján þúsund manns þar um mánaðarlega.

Sjúkraflug um Akureyrarflugvöll hefur einnig aukist mikið á undanförnum árum samfara stækkandi þjónustusvæði sem nær nú allt frá Þroskafirði til Hafnar í Hornafirð. Í fyrra voru farin rúmlega 450 sjúkraflug og það sem af er þessu ári eru þau orðin um 300.