Teves ódýrasti framherjinn

Darren Bent sóknarmaður Charlton var seldur til Tottenham fyrir 16 milljónir punda. Það er átta sinnum hærri upphæð en West Ham fær fyrir Carlos Teves. Enn liggur ekki fyrir hvað Manchester United þarf að borga fyrir Argentínumanninn en nokkrir sóknarmenn hafa verið keyptir til liða í ensku úrvalsdeildinni í sumar fyrir miklu hærri fjárhæð en 2 milljónir punda.

Rolando Bianchi kostaði Manchester City 8 milljónir punda og Craig Bellamy fór frá West Ham til Liverpool á 7,5 milljónir punda.

Þrír sóknarmenn voru seldir á 6 milljónir punda; Alan Smith fór í gær frá Manchester United til Newcastle en fyrr í sumar var Diomansy Kamara seldur frá West Bromwich Albion til Fulham á sömu upphæð og þá keypti Portsmouth, David Nugent frá 1. deildarliðinu Preston einnig á 6 milljónir punda.

Tveir aðrir sóknarmenn kostuðu meira en Carlos Teves; Michael Chopra var seldur frá Cardiff til Sunderland á 5 milljónir punda og Marlon Harewood frá West Ham til Aston Villa á 4 milljónir punda.