Erlent

Yoko Ono hámaði í sig hund

Óli Tynes skrifar
Drottningin hefur átt yfir 30 Corgi hunda í stjórnartíð sinni.
Drottningin hefur átt yfir 30 Corgi hunda í stjórnartíð sinni.

Yoko Ono hámaði í gær í sig hund, ásamt þekktum breskum listamanni. Þetta fór fram í beinni útsendingu á útvarpsþætti. Og það var enginn venjulegur hundur sem þau átu heldur eðalhundur af Corgi kyni, en það er uppáhalds hundakyn Elísabetar drottningar. Yoko Ono og Mark McGowan voru að mótmæla því að Filipus prins eiginmaður drottningarinnar skaut ref fyrr á þessu ári.

McGovan hélt því fram að Filipus hefði skotið refinn og svo barið hann til bana. Bresku dýraverndarsamtökin segjast hafa skoðað hræið. Hann hafi drepist af byssuskoti og engir aðrir áverkar hafi verið sjáanlegir.

Elísabet drottning hefur átt meira en 30 Corgi hunda í stjórnartíð sinni, frá árinu 1952. Hún á fjóra slíka í dag. En eru þeir góðir til matar ? "Bragðið var virkilega viðbjóðslegt," sagði McGowan.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×