Óeirðaseggir dæmdir í Danmörku

Fimm ungmenni voru í dag dæmd í fangelsi í Danmörku fyrir aðild sína að óeirðunum á Norðurbrú í Kaupmannahöfn þegar ungdómshúsið var rifið. Um er að ræða einn Dana, þrjá Bandaríkjamenn og Kanadamann. Sá sem þyngsta dóminn fékk, 21 árs gamall Dani, þarf að dúsa í fangelsi í eitt ár fyrir að kasta steinum í átt að lögreglu.

Tveir Bandaríkjamannana voru dæmdir í þriggja mánaða fangelsi fyrir að kveikja í bálköstum, landi þeirra fjögurra ára dóm fyrir steinakast og Kanadamaðurinn var dæmdur til sex mánaða fangelsisvistar. Öllum útlendingunum verður að auki vísað úr landi eftir að hafa fullnustað dóma sína og verður þeim meinað að snúa til baka í fimm ár.