Everton vann Wigan - Andy Johnson meiddur

Wigan tapaði sínum sjöunda leik í röð í ensku úrvalsdeildinni í dag þegar þá lágu fyrir Everton 2-0 á heimavelli.

Mikael Arteta opnaði markareikninginn hálftíma fyrir leikslok með marki úr vítaspyrnu og skoraði svo sitt annað mark í uppbótartíma og tryggði þar með Everton stigin þrjú. Everton eru þar með komnir upp í sjöunda sæti á meðan Wigan halda áfram að hrynja niður töfluna og eru þeir nú komnir í alvarlega fallhættu.

Það sem skyggði á annars bjartan eftirmiðdag Everton-manna voru meiðsli sem framherjinn Andy Johnson varð fyrir á ökkla. Líklega er ökklinn brotinn og þessi meiðsli gætu jafnvel dæmt Johnson úr leik það sem eftir er tímabils.