Farið yfir eftirlitskerfi vegna erlendra verkamanna

Félagsmálaráðherra ætlar að láta fara yfir mál þeirra erlendu verkamanna, sem slösuðust í rútuslysinu í fyrradag. Grunur leikur á að hluti þeirra hafi ekki haft tilskilin leyfi til að starfa á Íslandi.

Jóhanna Sigurðardóttir félagsmálaráðherra segir ljóst að einhverjar brotalamir séu í eftirlitskerfinu þegar svona gerist. „Þetta er auðvitað mjög alvarlegt að það fólk sem hingað kemur erlendis frá til að vinna sé ekki sjúkratryggt og það er mjög alvarlegt að þeir sem þarna ábyrgð, að þeir skuli láta þetta viðgangast," sagði Jóhanna eftir ríkisstjórnarfund í morgun.

Jóhanna segir enn fremur að verið sé að skoða mál mannanna hjá Vinnumálastofnun og það sé alveg ljóst að það þurfi að samræma aðgerðir hjá þeim sem eigi að sjá um eftirlit. Hún hafi óskað eftir því að nefnd fari yfir eftirlitskerfið og reyni að samræma öll sjónarmið í málinu þannig að svona lagað komi ekki fyrir aftur.

Aðspurð hvort það komi til grein að grípa til aðgerða gegn fyrirtækjunum sem um ræðir segir Jóhanna að það kom í ljós. Vinnumálastofnun sé á kafi í málinu. Spurð um sjúkrahúskostnað þeirra manna sem slösuðust í Bessastaðabrekku og hvort ríkið komi að honum segir Jóhann að það verði kannað. „Við munum gera allt sem hægt er og lög og reglur heimila."