Fyrsta tap Lyon á heimavelli í vetur

Fimmfaldir meistarar í franska boltanum, Lyon, töpuðu fyrsta heimaleik sínum á tímabilinu þegar liðið beið lægri hlut fyrir Bordeux.

Þetta var þriðji leikurinn í röð sem Lyon tekst ekki að vinna en liðið er samt sem áður með fjórtán stiga forystu á toppnum. Pablo Francia kom Bordeuax yfir á þriðju mínútu þegar hann skoraði úr vítspyrnu. Francia átti síðan frábæra sendingu á Johan Micoud sem skoraði með skalla á 27. mínútu, 2-0, og þannig var staðan í hálfleik.

Tékkinn Milan Baros lék sinn fyrsta leik fyrir Lyon kom inn á sem varamaður en Baros kom frá Aston Villa. Fred minnkaði muninn fyrir meistarana en lengra komust þeir ekki. Marseille er í öðru sæti, fjórtán stigum á eftir Lyon en Bordeux er í sjötta sæti eftir sigurinn.

Catania og Empoli mættust í ítölsku fyrstu deildinni í gærkvöldi. Liðin höfðu sætaskipti í töflunni. Catania vann 2-1 og komst í fjórða sætið en Empoli færðist niður í það fimmta. Lino Marzoratti skoraði sjálfsmark fyrir Catania. Antonio Busce jafnaði metin skömmu síðar fyrir Empoli en Guiseppe Mascara skoraði sigurmark Catania með laglegri bakfallsspyrnu.

Catania er með 29 stig í fjórða sæti, Empoli er stigi á eftir. Inter er langefst í deildinni með ellefu stiga forystu á AS Roma.