Keyrt á tólf kindur við Skinnastaði

Fyrir stundu drápust tólf kindur rétt sunnan við Blönduós á móts við Skinnastaði. Tveir bílar sem komu úr gagnstæðri átt fóru í gegnum hópinn með þeim afleiðingum að tólf kindur drápust.

"Það er nú ekki algengt að menn keyri á fé nú í vetur. En bændur eru að koma fé í hús þar sem það er leiðinda spá framundan. Þessar hafa komist upp á veginn með fyrrgreindum afleiðingum," sagði Lögreglan á Blönduósi.

Fyrr í dag varð bílslys í Hrútafirði þar sem tveir voru sendir með sjúkrabifreið til Reykjavíkur og einn á Heilsugæslustöðin á Blönduósi. Samkvæmt upplýsingum lögregla var ekki um alvarleg meiðsli á fólki.