Sprautufíklar hreinsa nálar í ónotaðan klósettpappír á almenningssalernum

Starfsmenn sem vinna við þrif í verslunarmiðstöðvum hafa orðið varir við að fíkniefnaneytendur hafi stungið nálum upp í klósettrúllur á almenningssalernum. Þannig hafi þeir hreinsað þær og skilið eftir örlitla blóðbletti í ónotuðum pappírnum.

Lögreglumaður fór með fíkniefnahund í verslunarmiðstöð í borginni fyrir skömmu. Þar fór hann með hundinn inn á almenningssalerni og veitti hundurinn allavega þremur klósettrúlluhöldurum mikla athygli og var klósettpappír í þeim öllum.

Benti hann öryggisverði á og sem svaraði því til að starfsmenn sem vinna við þrif hafi ítrekað fundið notaðar sprautur og nálar á klósettunum eftir fíkniefnaneytendur. Hann sagði einnig að nokkur tilfelli hefðu komið upp þar sem fíkniefnaneytendur hefðu stungið nálunum upp í gegnum klósettrúllurnar til að hreinsa þær, eftir að hafa sprautað sig, og þannig skilið eftir örlitla blóðbletti í ónotuðum pappírnum.

Samkvæmt upplýsingum frá lögreglunni hafa tilfelli sem þessi komið upp á fleiri en einum stað undanfarið.