Nýnasistar ganga um blökkumannahverfi í Flórída

Til átaka kom milli nýnasista og andstæðinga þeirra á Flórída í Bandaríkjunum í gærkvöldi. Lögregla handtók sautján þeirra.

Nýnasistarnir höfðu safnast saman til mótmæla í hverfi þar sem meirihluti íbúa eru blökkumenn. Þar gengu þeir í kahki-búningum sínum, háum svörtum stígvélum og með rauð armbönd skreytt hakakrossinum. Um 100 svartklæddir andstæðingar nýnasistanna mættu þeim og lögregla hafði fullt í fangi með að halda hópunum aðskildum.

Ekki gekk það betur en svo að til handalögmála kom milli nokkurra þeirra. Óvíst er hvort nokkur slasaðist alvarlega.