Úrslitum forsetakosninga í Úganda mótmælt

Yoweri Museveni forseti Úganda var endurkjörinn með talsverðum meirihluta atkvæða í kosningum sem fram fóru á fimmtudag. Kjörstjórn landsins tilkynnti þetta í dag.

Kosningarnar á fimmtudag voru þær fyrstu sem fara fram með lýðræðislegum hætti í Úganda í aldarfjórðung. Kosið var um forseta og 284 sæti á þingi landsins.

Stjórnandstæðingar mótmæltu í úrslitunum í dag og sögðu brögð vera í tafli. Þeir söfnuðust saman fyrir framan höfuðstöðvar helsta stjórnarandstöðuflokksins í höfuðborginni Kampala.

Lögregla beitti táragasi til að dreifa mannfjöldanum. Museveni hefur verið við völd í Úganda í rúma tvo áratugi.