Innlent

Mesta hættan liðin hjá á Akureyri

Lögreglan segir ljóst að mikið tjón hafi orðið.
Lögreglan segir ljóst að mikið tjón hafi orðið. Vísir
Mestan hættan er liðin hjá á Akureyri vegna vatns- og aurflóða. Ekki er talin ástæða til að óttast frekari skriðuföll nema aftur fari saman miklar leysingar og rigning. Björgunarsveitarmenn munu þó áfram standa vaktina í nótt. Lögreglan á Akureyri segir ljóst að mikið tjón hafi orðið á mannvirkjum.

Sýslumaðurinn á Akureyri fundaði síðdegis með sveitarstjóra Eyjafjarðarsveitar, lögreglunni og Halldóri G Péturssyni, jarðfræðingi, sem er sérfræðingur í flóðum og skriðuföllum, til að fara yfir málið.


Tengdar fréttir

Björguðu manni úr Djúpadalsá - lögreglubílar innlyksa

Slökkviliðið á Akureyri bjargaði í morgun manni eftir að bíll hans lenti úti í Djúpadalsá í Eyjarfjarðarsveit nú fyrir hádegið. Svo virðist sem áin hafi grafið veginn í sundur með fyrrgreindum afleiðingum. Slökkvilið segir manninn hafa verið kaldan og hrakinn eftir volkið en lítið meiddan.

Forðuðu sér undan skriðunni við Grænuhlíð

Hjón og barn þeirra sluppu ómeidd út úr íbúðarhúsi sínu að Grænuhlíð í Eyjafjarðarsveit í morgun, þegar aurskriða féll á íbúðarhúsið og gripahúsin. Fólk átti svo fótum sínum fjör að launa þegar önnur skriða féll um ellefuleytið í morgun. Talið er tíu til fimmtán kálfar hafi drepist í fyrri skriðunni.

Aurskriða féll á bæ í Eyjafjarðarsveit

Aurskriða féll úr fjallinu ofan við bæinn Grænuhlíð í Eyjafjarðarsveit laust fyrir klukkan sjö í morgun og lenti á íbúðarhúsum og útihúsum. Engin meiðsl urðu fólki en skriðan fór yfir veginn við bæinn á allt að 100 metra kafla að sögn lögreglu á Akureyri.

Yfirgáfu heimili vegna skriðuhættu

Íbúar á að minnsta kosti fimm bæjum innst í Eyjafirði, yfirgáfu heimili sín í gærkvöldi og gistu hjá vinum og ættingjum vegna hættu á frekari aurskriðum. Ekki er þó vitað um skriðuföll á svæðinu í nótt, en aurskriða féll á veginn í Hörgárdal laust fyrir miðnætti og lokaði honum.

Mest lesið


Fleiri fréttir

Sjá meira


×

Mest lesið