Ímynd 2006 gegn átröskun

Forma, félag átröskunarsjúklinga stóð í dag fyrir málþingi og dagskrá undir titlinum Ímynd 2006 í Borgarleikhúsinu til að vekja athygli á málefnum átröskunarsjúklinga og aðstandenda þeirra. Þar voru meðal annars lesin upp dagbókarbrot átröskunarsjúklinga þar sem þeir lýsa baráttu sinni við anorexíu og búlimíu.

Þessi dagbókarbrot birtast einnig á auglýsingum samtakanna Forma, sem hafa vakið mikla athygli, enda sýna þau glöggt hversu grimmt baráttan við átröskunarsjúkdóma getur leikið fólk. Dagskránni lýkur með styrktartónleikum á NASA í kvöld þar sem ýmsir kunnir tónlistarmenn koma fram en það er frítt inn á tónleikana.