Frank Lampard leikmaður Enska landsliðsins segir að hann muni áfram taka vítaspyrnur liðsins þrátt fyrir að hafa mistekist af vítapunktinum í vináttuleik Englendinga og Ungverja.
„Ég mun enn taka vítin fyrir Enska landsliðið, og mig langar að gera það. Þú veist að þér mistekst einn daginn, en þú verður að halda áfram. Sem betur fer fyrir mig þá var þetta í vináttulandsleik, en þetta minnir mann á það að einbeitingin verður að vera í lagi," sagði Lampard.
Lampard sagði hann hefði hætt að æfa vítaspyrnur á æfingum, svo að hann gæti náð fullri leikæfingu, eftir mánuð án leikja. „Hjá Chelsea þá æfði vítaspyrnur tvisvar til þrisvar í viku en undanfarnar tvær vikur hef ég ekkert æft þær til þess að ná upp leikæfingu að ný. Það er mjög mikilvægt að sá sem taki vítaspyrnurnar sé 100% viss um að hann vilji taka þær, og ég fer að æfa þær stíft núna".
