Reyndi að stela byggingarefni

Lögreglan í Reykjavík hafði hendur í hári manns í nótt sem var að hlaða byggingarefnum í kerru sem hann hugðist hafa á brott með sér. Talið er að maðurinn hafi ætlað að reyna að koma efninu í verð enda ekki vitað til þess að hann standi í stórframkvæmdum á heimili sínu. Hann var handtekinn og gistir nú fangageymslur lögreglunnar.

Þá handtók lögreglan mann sem hafði brotist inn í kirkju í austurbæ borgarinnar og gistir hann einnig fangageymslur lögreglunnar en málin tvö eru í rannsókn.