Kynningarátak um íslenskt efnahagslíf

Breytingar á Íbúðalánsjóði, kynningarátak um íslenskt efnahagslíf erlendis og stóriðjuframkvæmdir voru meðal þess sem forsætisráðherra talaði um í ræðu sinni á ársþingi Seðlabanka Íslands sem hófst klukkan fjögur.

Halldór Ásgrímsson, forsætisráðherra, hefur rætt við forsvarsmenn íslensku bankanna um að þeir taki þátt í sérstöku kynningarátaki um stöðu íslenskra efnahagsmála. Átakið verður samstarfsverkefni forsætisráðuneytisins og bankanna. Þetta sagði Halldór í ræðu sinni á ársfundi Seðlabanka Íslands sem hófst klukkan fjögur. Hann sagði brýnt að stjórnvöld beiti sér fyrir auknu upplýsingastreymi og gegnsæi um stöðu íslenskra efnahagsmála gagnvart erlendum aðilum. Halldór gerði hlutverk Íbúðalánasjóðs einnig að umtalsefni og vonast hann til að frumvarp með nýju hlutverki sjóðsins verði lagt fram í haust. Halldór hvatti til þes að varfærni sé gætt í útlánum. Forsætisráðherrann lagði einnig áherslu á frekari uppbyggingu stóriðju og sagði mikilvægt að allar þær framkvæmdir sem verið hafi í umræðunni verði að veruleika á næstu 10-15 árum.