Tók á móti undirskriftalistum vegna hágæsluherbergis

Siv Friðleifsdóttir heilbrigðisráðherra tók í dag á móti undirskriftalista þar sem hún var hvött til að tryggja rekstur svokallaðs hágæsluherbergis á Barnaspítala Hringsins.

Undirskriftarsöfnunin var að frumkvæði Guðbjargar E. Hafsteinsdóttur og hófst eftir að fjallað var um skort á slíku herbergi í fréttskýringarþættinum Kompási á NFS fyrir rúmri viku. Alls söfnuðust um 2200 undirskriftir frá síðasta miðvikudegi og til dagsins í dag. Greint var frá því á föstudag að Baugsfjölskyldan hygðist gefa Barnaspítalanum 300 milljónir á næstu fimm árum til að reka hágæsluherbergi en þeir sem stóðu að undirskriftunum lögðu áherslu á það í dag að starfsemin yrði tryggð áfram að fimm árum liðnum. Heilbrigðisráðherra sagði um leið og hann tók við undirskriftunum að unnið yrði að málinu og sérstök hágæsluþjónusta tekin upp.