Nýtt lággjalda símafyrirtæki

Fyrsta lággjalda símafyrirtækið á Íslandi hefur tekið til starfa. Símafyrirtækið Sko ætlar sér að bjóða einfaldari verðskrá og lægra verð í farsímaþjónustu.

Fyrirtækið býður upp á einfalda verðskrá en aðeins er eitt mínútuverð á innanlandssímtölum. Viðskiptavinir Sko greiða 50% lægra verð fyrir SMS og MMS myndskilaboð miðað við verðskrár hinna símafyrirtækjanna og þeir greiða ekkert mánaðargjald.

Sko er vörumerki Ódýra símafélagsins sem er í eigu Dagsbrúnar. Dagsbrún rekur meðal annars 365 prent- og ljósvakamiðla og Ogvodafone.