Sinueldar loga enn glatt víða á Mýrum í Borgarfirði

Sinueldar loga enn glatt víða á Mýrum í Borgarfirði og hafa bændur átt annríkt við að bjarga hrossum úr beitarhólfum, undan eldinum, og verja hús sín með því að sprauta vatni úr haugsugum. Slökkviliðsmenn, sem höfðu barist við elda á Mýrum og í Reykholtsdal frá því í gærmorgun tóku sér hvíld í nótt þegar vind hæðgi, en lögreglumenn og bændur hafa verið á þönum í alla nótt til að varna þess að eldarnir nálgist mannvirki. Bændur hafa meðal annars dælt vatni með haugsugum.

Til dæmis átti eldurinn aðeins tíu metra ófarna að fjósveggnum að Laxárholti þegar tókst að slökkva, en þar voru 70 kýr innandyra. Eldurinn hefur líka náð hættulega nærri íbúðarhúsum, eins og til dæmis í Skíðsholti. Eldur kviknaði líka í Skorradal síðdegis, en greiðlega gekk að slökkva hann. Talið er að eldurinn hafi nú þegar farið um marga tugi hektara á þónokkrum jörðum, en eftir því sem fréttastofan kemst næst var lítill sem engin kjarr- eða trjágróður á svæðunum. Slökkviliðsmenn munu halda slökkvistarfi áfram um leið og þeir haf náð einhverri hvíld. Þetta munu vera mestu sinueldar í Borgarfirði í manna mynnum