Fagna að tekið sé á ofbeldi gagnvart lögreglu

Landssamband lögreglumanna fagnar niðurstöðum í tveimur nýföllnum dómum er varða ofbeldi gagnvart lögreglumönnum og segir að með þeim sé verið að gefa skýr skilaboð út í þjóðfélagið að ekki sé liðið að einstaklingar ráðist gegn lögreglu við skyldustörf. Dómarnir sem um ræðir eru annars vegar dómur Hæstaréttar í gær þar sem dómurinn tvöfaldaði refsingu hérðasdóms og dæmdi mann til þriggja ára fangelsisvistar fyrir líkamsárás og hótun í garð lögreglumanns og hins vegar dómur sem féll í Héraðsdómi austurlands þann 17. febrúar síðast liðinn en þar var maður sakfelldur fyrir að hrækja á lögreglumann sem var að sinna skylduverkum sínum.