Hálslón nálgast stærð Elliðavatns

Hálslón hefur stækkað hratt síðastliðinn sólarhring og nálgast nú stærð Elliðavatns. Einn komma tveir ferkílómetrar lands eru þegar komnir á kaf í lónið. Ómar Ragnarsson, sem vinnur að kvikmynd um atburðarásina, segir margar náttúrugersemar hafa farið undir vatn í dag.

Lónið var dag orðið 1,2 ferkílómetrar að flatarmáli, og vantar lítið á að það nái stærð Elliðavatns, sem er 1,8 ferkílómetrar. Og Ómar ætla að sjá til þess að allt þetta ferli verði varðveitt á kvikmynd.

Rennsli Jöklu við neðstu bæi á Jökuldal er komið niður í einn sjötta þess sem það var í gærmorgun, áður en tappinn var settur í. Rennslið í dag um þrjátíu rúmmetrar á sekúndu. Í fyrradag var rennslið í ánni þar um 180 rúmmetrar á sekúndu. Bændur í dalnum segjast hins vegar vera fegnir að losna við hættulegt foráttufljót og fá í staðinn fallega bergvatnsá.