Kewell allur að koma til

Kewell meiddist á ökkla í sigri Liverpool í úrslitaleik FA Cup keppninnar í seinasta mánuði og hafa þau verið að plaga hann síðan. Kewell, sem skoraði gegn Hollendingum á föstudaginn mun spila sinn fyrsta alvöru leik á miðvikudaginn gegn Liechtenstein en síðast spilaði hann alvöru landsleik á síðasta ári gegn Uruguay í umspili liðsins um HM sæti.

Þjálfari liðsins, Guus Hiddink var himinlifandi með innkomu Kewell á föstudaginn og segist núna ætla að vinna hörðum höndum að því að bæta þol hans og styrk fyrir komandi átök en fyrsti leikur liðsins verður 12. júní gegn Japönum.

„Hann spilaði næstum því í 90. mínútur í vináttuleik, hann fann ekki fyrir neinum eymslum í þeim leik og því öruggt að hann verði í eldlínunni á miðvikudag gegn Liechtenstein," sagði Hiddink.

Tim Cahill er annar lykilmaður liðsins sem hefur verið að ná sér að undanförnu en þessi leikmaður Everton kveðst vera ánægður með þann bata sem hnéð hefur verið að sýna.