Rooney sannfærður um að allt fari vel í dag

Wayne Rooney, landsliðsmaður Englands er sannfærður um að þegar hann í dag fer í lokarannsókn og segir til um hvort hann spili á HM eða ekki að hann nái í gegn og spili með enska liðinu á HM sem byrjar eftir tvo daga. Leikmaðurinn hefur verið frá vegna meiðsla síðan í enda apríl en hann meiddist í leik gegn Chelsea í ensku deildinni. England á að spila sinn fyrsta leik á laugardaginn gegn Paragvæ.

„Ég er nokkuð viss um að hann muni spila á HM. Þetta hef ég sagt í einn mánuð og stend við það. Ég hlakka mikið til að geta hætt að tala um meiðsli Rooney og hvort hann leiki eða ekki á HM. Hann fer í rannsóknina eftir hádegi og læknarnir munu láta mig vita strax og þeir hafa farið í gengum þetta," sagði Sven-Göran Eriksson, landsliðsþjálfari Englands.