Michael Ballack gagnrýnir Jurgen Klinsmann

Michael Ballack, leikmaður Chelsea og Þýska landsliðsins hefur nú gagnrýnt Jurgen Klinsmann þjálfar Þýskalands. Ballack sagði að þetta gæti ekki gengið svona lengur að spila eins og þeir gerðu á móti Japan.

„Klinsmann hefur verið að tefla fram ungu liði síðustu tvö árin, og við erum alltaf að gera sömu mistökin og alltaf sömu vandræðin í vörninni," sagði Ballack á fréttamannafundi. „Við spilun góðan sóknarbolta, eins og við sýndum á móti Japan, en við erum allt of oft að tapa knettinum og vörnin of brothætt hjá okkur. Gegn þeim liðum sem að spila með okkur í riðlinum þá verðum við að spila góða vörn," sagði Ballack.

Ballack sem hefur aldrei áður gagnrýnt Jurgen Klinsmann bætti við" þjálfarinn veit hvað mér finnst og einnig hvað öðrum leikmönnum finnst. Við höfum rætt um þetta, en það er alfarið hans hvernig þetta verður"