Þjóðarsálin í reiðhöllinni 6. október 2006 11:00 Sigrún sól leikstjóri. Í karnívalinu birtist mannlífið í allri sinni mynd. MYND/E.ÓL Leikarar, fimleikafólk og kraftajötnar leiða saman hesta sína, í bókstaflegum skilningi, í reiðhöll Gusts á sunnudag þegar hin risavaxna karnivalsýning Þjóðarsálin verður frumsýnd. Þetta er spunaleiksýning sem byggir á háþróaðri leikhúshönnun og flottri hestasýningu, segir Sigrún Sól Ólafsdóttir, leikstjóri verksins og helsti hugmyndasmiður þess. Undanfarin ár hef ég sett upp nokkrar spunasýningar þar sem ég hef búið til handritið ásamt leikurunum. Við höfum tekið fyrir ákveðin mál sem brenna okkur á hjarta og í þetta sinn varð íslenska þjóðarsálin fyrir valinu. Þetta er frasi sem er oft notaður á tyllidögum en við vildum rýna í hvað þetta er og hvort það sé raunverulega ein þjóðarsál á Íslandi. Fimm leikarar leika fulltrúa ólíkra þjóðfélagshópa og í gegnum karnívalið, skrautsýningar, hestasýningar og mikið drama, er reynt að bregða ljósi á hvort þessar manneskjur eiga eitthvað sameiginlegt og hvað bindur þær saman. Mannlífið í allri sinni mynd kemur fram í karnívalinu, bæði fallegu hliðarnar og þær ljótu. Þetta er heilmikil ádeila en áhorfendum er látið eftir að draga sínar ályktanir í lok sýningar, segir Sigrún Sól. Þetta er sannkölluð risasýning og á sér vart fordæmi hér á landi. Alls taka um 50 manns þátt í sýningunni; fyrir utan leikarana kemur fimleikafólk og kvennakór við sögu auk þess sem atvinnuknapar lána hesta og skipuleggja hestasýninguna. Þau hafa verið við stífar æfingar síðastliðnar fimm vikur en hugmyndavinnan hefur staðið frá því í vor. Sýningin er einkaframtak og Sigrún Sól segir að það hefði verið ógjörningur að setja hana upp án sjálfboðavinnu, styrkja og bakhjarla. Margir lögðu til vinnu sína listarinnar vegna, sem er ómetanlegt. Þá fengum við myndarlegan styrk frá menntamálaráðuneytinu, Kópavogsbær og hestamannafélagið Gustur lögðu til reiðhöllina og Landsbankinn er bakhjarl sýningarinnar. Án stuðnings þeirra allra hefði þessi sýning ekki orðið að veruleika. Árni Pétur Guðjónsson, Harpa Arnardóttir, Jóhann G. Jóhannssson, Sara Dögg Ásgeirsdóttir og Árni Salómonsson fara með aðalhlutverkin og Sigrún Sól er alsæl með leikhópinn. Þetta er ótrúlegt fólk. Margir hefðu spyrnt við fótum þegar þeir heyrðu að það væri ekkert handrit og þeir þyrftu að búa til persónurnar frá grunni. En þau, eins og aðrir í sýningunni, lögðust á eitt svo boltinn hélt áfram að hlaða utan á sig. Ég held að ég geti að minnsta kosti lofað því að það fer enginn ósnortinn af þessari sýningu. Þjóðarsálin verður sýnd í reiðhöll Gusts í október og fram í nóvember og Sigrún Sól bendir á að það sé betra að hafa vaðið fyrir neðan sig. Ég held að fólk ætti að reyna að tryggja sér miða strax því salan hefur þegar farið vel af stað og það er orðið uppselt á nokkrar sýningar. Nánari upplýsingar um sýninguna og miðapantanir má finna á vefsíðunni einleikhusid.is. Menning Mest lesið Slíta sambandinu en vinna áfram saman Lífið Ace Frehley látinn af slysförum Lífið Páll Baldvin fer fram gegn tillögu kjörnefndar Menning „Við eigum bara eitt líf og ég ætla því að lifa því eins og ég vil“ Lífið Katrín Odds og Þorgerður ástfangnar á frumsýningu Tónlist Cillian mærir Kiljan Lífið Ingunn Svala kaupir glæsihús Jóhanns Bergs á Arnarnesi Lífið Kasóléttur forystusauður, ungstirni og engilfagrar kanónur Tíska og hönnun Battlefield 6: Gamli góði Battlefield er snúinn aftur Leikjavísir Rúrik hlaut verðlaun sem rísandi stjarna ársins Lífið Fleiri fréttir Cillian mærir Kiljan Slíta sambandinu en vinna áfram saman „Við hvern ert þú að tala?“ Bjóða öllum sem vilja heim í útgáfupartí Rúrik hlaut verðlaun sem rísandi stjarna ársins Ingunn Svala kaupir glæsihús Jóhanns Bergs á Arnarnesi „Við eigum bara eitt líf og ég ætla því að lifa því eins og ég vil“ Ace Frehley látinn af slysförum Íslensk hönnun á forsíðu Wall Street Journal: „Hún hafði samband við mig á Instagram“ Hnusað af hreindýraskít á leið upp „fullkomið fjölskyldufjall“ „Draumar geta ræst“ „Við erum orðlaus yfir hæfileikunum“ Hugmynd Chris Hemsworth að synda í kringum Ísland Ljóstrar upp um kornið sem fyllti mælinn Tíu smart kósýgallar „Stöðugar gaslýsingar“ Federline gríðarlega særandi Tulipop-leiksvæði opnað á Keflavíkurflugvelli Leikkonur á túr: Fimm verstu rasshausa-ummælin „Ef ég vil breyta heiminum þarf ég að byrja á mér sjálfri“ Fékk Laufeyju í afmælið: „Maggi bróðir hefur alltaf verið betri en aðrir að gefa gjafir“ Leyndarmál Móu að hinni fullkomnu kvöldförðun Allt jafnt fyrir lokaspurninguna og spurt var um stað Vakti yfir sofandi sonunum vopnuð hnífi Stíflaður mjólkurkirtill reyndist ólæknandi krabbamein „Lífið gefur okkur mislangan tíma og ég vil nýta minn til hins ýtrasta“ Þúsundir fögnuðu Steinu og sögulegu samstarfi Helen Óttars og Rubin Pollock slá sér upp Alma Möller, Binni Glee og Sigríður Snævarr saman í bíó Plakatarisi og uppáhalds listamaður Spielberg allur Hélt auganu en missti af frumsýningu eftir að hafa fengið golfkúlu í andlitið Sjá meira
Leikarar, fimleikafólk og kraftajötnar leiða saman hesta sína, í bókstaflegum skilningi, í reiðhöll Gusts á sunnudag þegar hin risavaxna karnivalsýning Þjóðarsálin verður frumsýnd. Þetta er spunaleiksýning sem byggir á háþróaðri leikhúshönnun og flottri hestasýningu, segir Sigrún Sól Ólafsdóttir, leikstjóri verksins og helsti hugmyndasmiður þess. Undanfarin ár hef ég sett upp nokkrar spunasýningar þar sem ég hef búið til handritið ásamt leikurunum. Við höfum tekið fyrir ákveðin mál sem brenna okkur á hjarta og í þetta sinn varð íslenska þjóðarsálin fyrir valinu. Þetta er frasi sem er oft notaður á tyllidögum en við vildum rýna í hvað þetta er og hvort það sé raunverulega ein þjóðarsál á Íslandi. Fimm leikarar leika fulltrúa ólíkra þjóðfélagshópa og í gegnum karnívalið, skrautsýningar, hestasýningar og mikið drama, er reynt að bregða ljósi á hvort þessar manneskjur eiga eitthvað sameiginlegt og hvað bindur þær saman. Mannlífið í allri sinni mynd kemur fram í karnívalinu, bæði fallegu hliðarnar og þær ljótu. Þetta er heilmikil ádeila en áhorfendum er látið eftir að draga sínar ályktanir í lok sýningar, segir Sigrún Sól. Þetta er sannkölluð risasýning og á sér vart fordæmi hér á landi. Alls taka um 50 manns þátt í sýningunni; fyrir utan leikarana kemur fimleikafólk og kvennakór við sögu auk þess sem atvinnuknapar lána hesta og skipuleggja hestasýninguna. Þau hafa verið við stífar æfingar síðastliðnar fimm vikur en hugmyndavinnan hefur staðið frá því í vor. Sýningin er einkaframtak og Sigrún Sól segir að það hefði verið ógjörningur að setja hana upp án sjálfboðavinnu, styrkja og bakhjarla. Margir lögðu til vinnu sína listarinnar vegna, sem er ómetanlegt. Þá fengum við myndarlegan styrk frá menntamálaráðuneytinu, Kópavogsbær og hestamannafélagið Gustur lögðu til reiðhöllina og Landsbankinn er bakhjarl sýningarinnar. Án stuðnings þeirra allra hefði þessi sýning ekki orðið að veruleika. Árni Pétur Guðjónsson, Harpa Arnardóttir, Jóhann G. Jóhannssson, Sara Dögg Ásgeirsdóttir og Árni Salómonsson fara með aðalhlutverkin og Sigrún Sól er alsæl með leikhópinn. Þetta er ótrúlegt fólk. Margir hefðu spyrnt við fótum þegar þeir heyrðu að það væri ekkert handrit og þeir þyrftu að búa til persónurnar frá grunni. En þau, eins og aðrir í sýningunni, lögðust á eitt svo boltinn hélt áfram að hlaða utan á sig. Ég held að ég geti að minnsta kosti lofað því að það fer enginn ósnortinn af þessari sýningu. Þjóðarsálin verður sýnd í reiðhöll Gusts í október og fram í nóvember og Sigrún Sól bendir á að það sé betra að hafa vaðið fyrir neðan sig. Ég held að fólk ætti að reyna að tryggja sér miða strax því salan hefur þegar farið vel af stað og það er orðið uppselt á nokkrar sýningar. Nánari upplýsingar um sýninguna og miðapantanir má finna á vefsíðunni einleikhusid.is.
Menning Mest lesið Slíta sambandinu en vinna áfram saman Lífið Ace Frehley látinn af slysförum Lífið Páll Baldvin fer fram gegn tillögu kjörnefndar Menning „Við eigum bara eitt líf og ég ætla því að lifa því eins og ég vil“ Lífið Katrín Odds og Þorgerður ástfangnar á frumsýningu Tónlist Cillian mærir Kiljan Lífið Ingunn Svala kaupir glæsihús Jóhanns Bergs á Arnarnesi Lífið Kasóléttur forystusauður, ungstirni og engilfagrar kanónur Tíska og hönnun Battlefield 6: Gamli góði Battlefield er snúinn aftur Leikjavísir Rúrik hlaut verðlaun sem rísandi stjarna ársins Lífið Fleiri fréttir Cillian mærir Kiljan Slíta sambandinu en vinna áfram saman „Við hvern ert þú að tala?“ Bjóða öllum sem vilja heim í útgáfupartí Rúrik hlaut verðlaun sem rísandi stjarna ársins Ingunn Svala kaupir glæsihús Jóhanns Bergs á Arnarnesi „Við eigum bara eitt líf og ég ætla því að lifa því eins og ég vil“ Ace Frehley látinn af slysförum Íslensk hönnun á forsíðu Wall Street Journal: „Hún hafði samband við mig á Instagram“ Hnusað af hreindýraskít á leið upp „fullkomið fjölskyldufjall“ „Draumar geta ræst“ „Við erum orðlaus yfir hæfileikunum“ Hugmynd Chris Hemsworth að synda í kringum Ísland Ljóstrar upp um kornið sem fyllti mælinn Tíu smart kósýgallar „Stöðugar gaslýsingar“ Federline gríðarlega særandi Tulipop-leiksvæði opnað á Keflavíkurflugvelli Leikkonur á túr: Fimm verstu rasshausa-ummælin „Ef ég vil breyta heiminum þarf ég að byrja á mér sjálfri“ Fékk Laufeyju í afmælið: „Maggi bróðir hefur alltaf verið betri en aðrir að gefa gjafir“ Leyndarmál Móu að hinni fullkomnu kvöldförðun Allt jafnt fyrir lokaspurninguna og spurt var um stað Vakti yfir sofandi sonunum vopnuð hnífi Stíflaður mjólkurkirtill reyndist ólæknandi krabbamein „Lífið gefur okkur mislangan tíma og ég vil nýta minn til hins ýtrasta“ Þúsundir fögnuðu Steinu og sögulegu samstarfi Helen Óttars og Rubin Pollock slá sér upp Alma Möller, Binni Glee og Sigríður Snævarr saman í bíó Plakatarisi og uppáhalds listamaður Spielberg allur Hélt auganu en missti af frumsýningu eftir að hafa fengið golfkúlu í andlitið Sjá meira