Átök í Strassborg milli lögreglu og hafnarverkamanna

Að minnsta kosti tólf franskir lögreglumenn slösuðust, þar af einn alvarlega, þegar til átaka kom á milli lögreglumanna og hafnarverkamanna fyrir utan Evrópuþingið í Strassborg í gær. Þúsundir hafnaverkamanna söfnuðust saman til að mótmæla fyrirætlunum Evrópusambandsins um aukna samkeppni í hafnarþjónustu en verkamennirnir óttast að fyrirhugaðar breytingar muni kosta þá vinnuna. Tillögurnar ganga út á að koma á samkeppni í losun og lestun skipa í evrópskum höfnum. Það er framkvæmdastjórn ESB sem leggur tillögurnar fram en talið er að þingið muni hafna þeim.