Gæta ekki að öryggi barna

Varðstjóri lögreglunnar á Hvolsvelli segir að svo virðist sem ökumenn séu orðnir kærulausari en áður. Hann segir að undanfarna daga hafi margir verið stöðvaðir í umdæminu fyrir að hafa ekki beltin spennt. Brýnt sé að minna fólk á mikilvægi þess og þá einkum að það spenni börn sín í belti.

Allt of margir hugi ekki að öryggi þeirra í umferðinni jafnvel þótt þeir séu á ferð um þjóðvegi landsins. Slíkt sé ólíðandi og brýnir hann fyrir fólki að taka sig á hvað þetta varðar.