Leiklistarfólk hlýtur stuðning

Þrír hlutu styrki úr Minningarsjóði frú Stefaníu Guðmundsdóttur sem veittir voru fyrir leikárið 2005 til 2006 á mánudagskvöld. Grétar Reynisson leiktjaldahönnuður, Baltasar Kormákur leikstjóri og Gunnar Eyjólfsson leikari hlutu allir 400 þúsund króna styrk.

Frú Stefanía, sem er talin hafa verið einn stórbrotnasti sviðslistamaður Íslands á fyrri hluta 20. aldar, hefði orðið 130 ára á þessu ári. „Því var ákveðið veita þeim 25 leiklistarmönnum sem hlotið hafa styrk úr sjóðnum minjagrip sem við köllum Stefaníustjakann,“ segir Kjartan Borg, formaður stjórnar sjóðsins.