Gefur kost á sér í þriðja sætið

Kristín Á. Guðmundsdóttir, formaður Sjúkraliðafélags Íslands, býður sig fram í þriðja sæti á lista Samfylkingar í Suðvesturkjördæmi.

Kristín var fyrsti varaþingmaður Alþýðubandalagsins í Reykjaneskjördæmi síðasta tímabil sem flokkurinn starfaði á Alþingi og sat í ýmsum nefndum fyrir Alþýðubandalagið í Kópavogi. Hún hefur meðal annars setið í stjórn BSRB, verið forseti Evrópusambands sjúkraliða og verið fulltrúi BSRB í heilbrigðisnefnd evrópusamtaka starfsfólks í almannaþjónustu.