Páfa boðið til Tyrklands

Tyrkir hafa formlega boðið Benedikt XVI páfa í opinbera heimsókn á næsta ári. Þetta kemur fram í yfirlýsingu sem utanríkisráðuneyti Tyrklands sendi frá sér í dag. Bartólómeus patríarki, höfuð orþódoxkirkjunnar í Istanbúl, hafði þegar boðið páfa í heimsókn í nóvember á þessu ári til að vera við sameginleg hátíðahöld kristinna manna en sú tímasetning þótti óþægileg fyrir ríkisstjórnina. Eftir mikla yfirlegu var þó ákveðið að páfa yrði í staðin boðið opinberlega á næsta ári af ríkisstjórn landsins. Allur þorri Tyrkja er múslimatrúar.