Forseti Íslands heimsótti Fjölskylduhjálpina

Forseti Íslands kom í opinbera heimsókn í bækistöðvar Fjölskylduhjálpar Íslands í dag. Það kom honum á óvart hversu margir leita til fjölskylduhjálparinnar allan ársins hring. Hann sagði einnig augljóst að þrátt fyrir að flestir ynnu fulla vinnu næðu margir ekki endum saman.

Forsetinn mætti einn í höfuðstöðvar Fjölskylduhjálparinnar á hádegi og hlaut góðar móttökur sjálboðaliðanna. Hann gekk með þeim um húsnæðið og forvitnaist um starfsemina. Hann virtist áhugasamur og spurði margs. Það kom honum á óvart hversu margir leita til Fjölskylduhjálparinnar allan ársins hring. Hann sagði það augljóst að margir næðu ekki endum saman þrátt fyrir að vinna fulla vinnu.

Fjölskylduhjálpin er til húsa í Espigerði 2-4 og er opin alla miðvikudaga ársins, fyrir utan miðvikudaginn milli jóla og nýárs. Fjöldi fyrirtækja og einstaklinga leggur fjölskylduhjálpinni lið. Jóhannes í Bónus borgar húsaleigun, Mjólkursamsalan sér þeim fyrir mjólkurvörum og Sölufélag garðyrkjumanna gefur grænmetið. Einnig fær fjölskylduhjálpin fjárframlög og á þessu ári hafa einstaklingar og stofnanir lagt fram rúmlega þrettán hundruð þúsund og ríkið tvöhundruð og fimmtíu. Átta einstaklingar starfa sem sjálfboðaliðar allt árið. En hvernig fannst forsetanum heimsóknin.