Vilja ekki taka upp gjaldtöku í heilbrigðiskerfi Danmerkur

Það kemur ekki til greina að innheimta gjöld í heilbrigðiskerfinu eins og velferðarnefnd sem skipuð var í Danmörku leggur til. Þetta segja talsmenn bæði stjórnar og stjórnarandstöðu í landinu. Velferðarnefndin kynnti í gær yfirgripsmikla skýrslu þar sem lagðar eru fram ýmsar tillögur að umbótum á danska kerfinu til þess að tryggja velferð í landinu til framtíðar. Tillagan um gjaldtöku í heilbrigðiskerfinu gerir ráð fyrir að almenningur borgi að hluta til fyrir allt frá læknisheimsókn til innlagnar á sjúkrahús en sem fyrr segir kemur hún ekki til greina að mati danskra stjórnmálamanna.