Hvetur til árása á olíuvinnslustöðvar í múslímaríkjum

Ayman al-Zawahri, næstæðsti maður hryðjuverkasamtakanna al-Qaida, hvetur til árása á olíuvinnslutstöðvar í löndum múslíma í nýju ávarpi sem birt er á heimasíðu á Netinu. Í ávarpinu hvetur hann alla heilaga stríðsmenn til að beina sjónum sínum að olíunni og segir tekjur af henni renna í vasa andstæðinga íslams og þeirra þjófa sem stjórni múslímalöndum. Þá segir al-Zawahri enn fremur að Osama bin Laden, leiðtogi al-Qaida, sé á lífi og leiði enn hið heilaga stríð gegn Vesturlöndum. Ekki er ljóst hvenær upptakan var gerð.