Ný rússnesk fréttasjónvarpsstöð

Ný rússnesk fréttasjónvarpsstöð hóf tilraunaútsendingar í dag. Sjónvarpsstöðin, sem sendir út allan sólarhringinn, er þó ekki send út á rússnesku heldur á ensku. Ástæðan er sú að henni er ætlað að bæta orðspor Rússlands á alþjóðavettvangi og hafa rússnesk stjórnvöld lagt henni til andvirði tæpra tveggja milljarða króna. Útsendingar stöðvarinnar nást í Norður-Ameríku, Evrópu og Asíu. Aðstandendur stöðvarinnar segja nauðsynlegt að sína jákvæðari mynd af Rússlandi en oft birtist í vestrænum fjölmiðlum en gagnrýnendur hennar segja að þarna verði um eintóman áróður fyrir Vladimír Pútín Rússlandsforseta að ræða.