Ekki í samstarfi við bæjaryfirvöld

Vestmannaeyjabær er ekki í samstarfi við kvikmyndagerðarmennina sem vinna að heimildamynd um Þjóðhátíð í Vestmannaeyjum. Í fréttum Stöðvar 2 var haft eftir einum forsvarsmanna myndarinnar að hún væri unnin í samstarfi við bæinn og að myndbrot þar sem Hreimi Heimissyni söngvara og Árna Johnsen lendir saman yrði ekki sýnt til að vernda Vestmannaeyjabæ. Bæjarstjóri Vestmannaeyjabæjar lýsir undrun sinni á því að kvikmyndagerðarmennirnir segist vera að halda hlífiskildi yfir bænum með því að sýna ekki opinberlega umrætt myndbrot þar sem bærinn eigi ekki í samstarfi við þá, auk þess sem það sé síður en svo í anda Vestmannaeyjabæjar að halda gögnum leyndum sem geti útkljáð málið.