Á sjötta tug beið bana

Sjálfsmorðsárásarmaður sprengdi upp sprengjur sem hann bar utan á sér við bensínstöð nærri sjíamosku í borginni Musayyib suður af Bagdad í gær. Að minnsta kosti 54 létust í árásinni og á níunda tug særðist til viðbótar. Bensínflutningabíll sprakk í loft upp við sprenginguna og því varð skaðinn mun meiri en ella. Einnig kviknaði í mörgum húsum í nágrenninu. Þrír breskir hermenn létust í bílsprengjuárás fyrr um daginn í borginni Amarah í suðausturhluta landsins en árásir eru fátíðar á breska herinn. Alls hafa 92 breskir hermenn fallið síðan innrásin var gerð vorið 2003.