Við eggjatöku í Drangey

Her manns fór á dögunum í eggjatöku í Drangey - og gekk bara vel. Sigflokkur kom í eyna fyrir viku í blíðskaparveðri eins og á hverju ári um ómunatíð og á móti honum tók sjófuglinn, langvían, sem orpið hefur hinum eftirsóttu eggjum í bjarginu. Eftir hressingu í Drangeyjarskála var haldið út á bjargbrún. Drangey er mikil matarkista og hefur verið nytjuð frá landnámi. Vaðurinn er treystur og sigið í bergið, fram af brúninni og stalla á milli en gengið um syllurnar; eggin eru sett í hempuna jafnóðum og þau eru tekin, eins og í Uppgönguvíkurnefjum. Ungir sem gamlir sigu, fullhugar og ötulir aflamenn sem fyrr. Eggjatakan var ágæt, mest í Tófuskeið og Feitukinn og allt gekk slysalaust. Lundaveiðin hefst svo í júlí og stendur í rúman mánuð en eyjarmenn háfa hann af bjargbrúninni.