Vetnislundi í hringferð um landið

Japanskur vetnislundi hóf hringferð um landið í dag. Vetnislundinn er nokkurs konar þríhjól sem fimm japanskir áhugamenn um nýtingu hreinnar orku fluttu til landsins til hringferðarinnar. Með ferðinni vilja þeir vekja athygli á vetni sem framtíðarorkugjafa. Kenji Bamba, einn Japananna, telur Ísland mjög þróað, umhverfsvænt land. Í hjólinu eru fjórir vetniskútar með samanlagt um 800 lítra af vetni en skipta þarf um kútana einu sinni á dag. Japanarnir segja Ísland í fararbroddi vetnisvæðingar. Bamba segir enn fremur að eftir 40-50 ár verði enga olíu lengur að finna. Því sé kominn tíminn til að finna nýja orkugjafa. Japanar hafi mikinn skilning á stefnu Íslendinga í orkumálum því hún miðist að því að setja á stofn vetnissamfélag.