Allt að eitt ár í vinnslu

Hrönn Pétursdóttir, starfsmanna- og kynningarstjóri hjá Alcoa Fjarðaráli, segir að vinna við nýtt umhverfsimat geti tekið allt að einu ári. "Vinnan er nú þegar komin í gang og við munum skila af okkur matsáætlun eftir viku til 10 daga. Að því loknu hefst vinna við umhverfismatið sjálft og má búast við að sú vinna taki nokkra mánuði en þá tekur við allt að sex mánaða formlegt ferli hjá Skipulagsstofnun." Hrönn segir að Alcoa muni greiða allan kostnað við umhverfismatið en hún segir óljóst á þessu stigi hversu hár sá kostnaður verður. "Þegar matsáætlun liggur fyrir munum við vita nokkurn veginn kostnaðinn en það er ljóst að hann hleypur á tugmilljónum króna," segir Hrönn.